Spoetnik: 60 Jaar gelede

Die ruimte-eeu het begin op 4 Oktober 1957, met die lansering van die wêreld se eerste nagemaakte Aard satelliet. Spoetnik 1 het mense gefassineer en ook groot bekommernis by mense tot gevolg gehad.  Dit het ook die VSA se ruimte-program in ‘hoë rat’ geplaas.  Spoetnik was gevolg deur ‘n vinnige reeks prestasies deur die Sowjetunie: Die eerste maan ondersoek tuig, eerste man in die ruimte, eerste pogings om Mars en Venus te ondersoek. Dit het tesame gevloei met die ontwikkeling van hul Interkontinentale Ballistiese Missiele (ICBMs) met kernoorlog punt.  Picture1.png Hierdie is gevolg met dekades van eksperimentasie en beplanning  waarvan meeste Westerse deskundiges onbewus was.

Gedurende die 1930’s het die Sowjetunie ook ‘n groot, goed-georganiseerde poging aangewend om vuurpyle en vuurpyl enjins te ondersoek. Die mees belangrikste vuurpyl in die geskiedenis van ruimteverkenning was heel waarskynlik die R-7.  Oorspronklik ontwerp as ‘n ICBM, het dit egter vinnig die werkesel geword van die Sowjet ruimteprogram. Die modern Soyuz vuurpyl is ‘n direkte afstammeling van die R-7, nog steeds in gebruik na 60 jaar en 1600 sendings.

‘n Veranderde weergawe van die R-7 is ook gebruik om die Sowjetunie se Spoetnik satelliete te lanseer

Picture2.png


Spoetnik 1

Picture11

Spoetnik 1 (Russies: Prosteisji Spoetnik-1, of Elementêre Satelliet-1) was die eerste satelliet wat om die Aarde gewentel het. Dit is op 4 Oktober 1957 deur die Sowjetunie in ’n ovaalvormige, lae wentelbaan geplaas en was die eerste van ’n reeks satelliete wat saam bekend staan as die Spoetnik-ruimteprogram.

Die onverwagte aankondiging van die Spoetnik se lansering was die begin van die Ruimte wedloop tussen die Sowjetunie en die VSA in die Koue Oorlog. Dit het ’n tydperk van nuwe politieke, militêre, tegnologiese en wetenskaplike ontwikkelings ingelui.

111.png
’n 40 kopek-seël wat Spoetnik 1 se wentelbaan aandui.

Spoetnik 1 het ook gehelp om die digtheid van die aarde se boonste atmosfeerlaag te bepaal deurdat die veranderinge in die satelliet se wentelbaan gemeet is. Dit het ook data verskaf van die verspreiding van radioseine in die ionosfeer. Inligting oor meteoroïede is ook na die aarde teruggesein.

Spoetnik 1 is van Terrein No. 1 by die 5de Tjoeratam-lanseersentrum (nou Baikonoer) in die Kazachstanse Sosialistiese Sowjetrepubliek gelanseer en het teen 29 000 km per uur om die aarde gewentel. Dit het 96,2 minute geneem om ’n omwenteling te voltooi en het radioseine teen 20.005 and 40.002 MHz uitgestuur, wat deur radio-amateurs regoor die wêreld opgevang is.  Die seine is 22 dae lank uitgestuur totdat die sender se batterye op 26 Oktober pap geword het.  Die satelliet het op 4 Januarie 1958 uitgebrand toe dit die aarde se atmosfeer binnegedring het nadat dit 60 miljoen km gereis het en drie maande in sy wentelbaan was.


Spoetnik 2

Picture12

Spoetnik 2 (Russies: Prosteisji Spoetnik-2, of Elementêre Satelliet-2) was die tweede satelliet wat om die Aarde gewentel het. Dit is op 3 November 1957 deur die Sowjetunie gelanseer en was die eerste satelliet met ’n lewende dier, die hond Laika.

Die satelliet was ’n 4 meter hoë, keëlvormige kapsule. Dit het verskeie kompartemente gehad vir radiosenders, ’n telemetrie stelsel, ’n programmerings eenheid, ’n temperatuurbeheer stelsel en wetenskaplike instrumente. Die hond Laika was in ’n spesiaal verseëlde kajuit.

Ingenieurs- en biologiese data is 15 minute lank tydens elke omwenteling na die aarde gestuur deur ’n Tral D-telemetrie stelsel. Twee meters het son-, ultraviolet-, kosmiese en X-strale gemeet. Daar was nie ’n televisiekamera aan boord nie – foto’s van honde op Spoetnik 5 word dikwels verkeerdelik as dié van Laika geïdentifiseer.

seel.png
Posseël ter herdenking van Spoetnik 2.

Spoetnik 2 is in ’n 212 x 1 660 km-wentelbaan geplaas met ’n vuurpyl soortgelyk aan die een wat vir Spoetnik 1 gebruik is. Nadat die satelliet sy wentelbaan bereik het, is die neuskeël suksesvol afgeskiet, maar die Blok A-kern het nie soos beplan afgeskei nie. Dit het die werking van die hittebeheer stelsel in die wiele gery. Verder het ’n deel van die isolasiemateriaal afgeskeur, wat tot gevolg gehad het dat die binneruim temperature van tot 40 °C bereik het. Spoetnik 2 se wentelbaan het afgeneem en dit het die aarde se atmosfeer op 14 April 1958 binnegedring ná 162 dae in die ruimte.

Die eerste lewende wese in die ruimte groter as ’n mikrobe was ’n baster Samojeed-wyfie met die naam Koedrjafka (“Krulletjies”), maar sy is later Laika (“Blaffer”) herdoop. Sy het sowat 6 kg geweeg. Die opgestopte kajuit, met druk beheer, was groot genoeg sodat sy kon staan of lê. Dit is van suurstof voorsien en die kos en water was in ’n gelatien vorm.

Laika het ’n veiligheidshelm aangehad en elektrodes het tekens van lewe gemeet. Volgens die meters was Laika aanvanklik ontsteld, maar sy het haar kos geëet. In Oktober 2002 het Russiese bronne bekend gemaak dat Laika ná ’n paar uur dood is aan hitte en stres, en dat sy nie versmoor het soos aanvanklik geglo is nie. As sy nie daaraan gevrek het nie, sou sy uitgesit gewees het met behulp van vergiftigde kos, anders sou sy doodgebrand het toe die satelliet die aarde se atmosfeer binnegedring het. Die sending het die eerste data verskaf oor die gedrag van ’n lewende organisme in ’n ruimte-omgewing.


Spoetnik 3

sput3.png

Spoetnik 3 (Russies: Satelliet-3) was die derde satelliet in die Spoetnik-ruimteprogram. Dit is op 15 Mei 1958 deur die Sowjetunie gelanseer vanaf die Tjoeratam-lanseersentrum (nou Baikonoer) in die Kazachstanse Sosialistiese Sowjetrepubliek. Dit was ’n navorsingsatelliet om die boonste atmosfeer en die nabye ruimte te verken.

In Julie 1956 het die Sowjetunie onderneem om sy eerste satelliet om die aarde te ontwerp en bou. Dit is die ISZ (vir искусственный спутник Земли; iskoesstwenni spoetnik Zemli of “kunsmatige aardsatelliet”) genoem. Dit was veronderstel om die Sowjetunie se eerste satelliet te wees. Die lansering is egter voortdurend uitgestel en eindelik is die eenvoudige Spoetnik 1 en daarna Spoetnik 2 in die plek daarvan gelanseer uit vrees dat die VSA die Sowjetunie in die ruimte sou voorspring.

Spoetnik 3 was keëlvormig, 3,57 m lank en 1,73 m breed by sy basis. Dit het 1 327 kg geweeg. Twaalf wetenskaplike instrumente aan boord het data verskaf oor onder meer die druk en samestelling van die boonste atmosfeer, die konsentrasie van gelaaide deeltjies, atoom kerns in kosmiese strale en magnetiese en elektrostatiese velde. Dit het tot 6 April 1960 in sy wentelbaan gebly.


Spoetnik 4

sputnik4.jpgSpoetnik 4 of Korabl-Spoetnik 1 (Russies: Skipsatelliet-1) was die eerste toetsvlug van die Sowjetunie se Wostok-ruimtetuig wat later vir die eerste bemande ruimtevlug gebruik sou word. Dit is op 15 Mei 1960 gelanseer. ’n Fout in die gids stelsel het veroorsaak dat die tuig na ’n hoër wentelbaan beweeg het in plaas daarvan om terug te keer aarde toe. Dit het die atmosfeer eers op omstreeks 5 September 1962 binnegedring. ’n Stuk is gevind in die middel van ’n straat in Manitowoc, Wisconsin, in die noorde van die VSA.WIMANsputnik01_1446

Die ruimtetuig, die eerste in ’n reeks waarmee die moontlikheid van bemande ruimtevlugte ondersoek is, het wetenskaplike instrumente bevat, asook ’n televisie stelsel en ’n kajuit met ’n pop.


Spoetnik 5

 

sputn5
’n Sowjet-posseël om die vlug te gedenk.

Spoetnik 5 of Korabl-Spoetnik 2  (Russies: Skipsatelliet-2) was die tweede toetsvlug van die Sowjetunie se Wostok-ruimtetuig wat later vir die eerste bemande ruimtevlug gebruik sou word. Dit was die eerste keer dat diere die ruimte ingestuur is en veilig teruggebring is aarde toe. Dit is op 19 Augustus 1960 gelanseer en het die weg gebaan vir die eerste bemande ruimtevlug, Wostok 1, wat minder as agt maande later gelanseer is.

 

sputnik5.jpgIn die ruimtetuig was twee honde, Belka en Strelka, 40 muise, twee rotte en verskeie plante, sowel as ’n televisiekamera wat die honde afgeneem het. Die tuig het op 20 Augustus teruggekeer, ’n dag ná die lansering. sputnik-5safeAl twee die diere was veilig en kort ná die landing is een van Strelka se hondjies na Caroline Kennedy, dogter van die destydse pres. John F. Kennedy, gestuur as ’n geskenk van die Sowjetunie.


Spoetnik 6

Korabl_Sputnik_b.jpgSpoetnik 6Korabl-Spoetnik 3 (Russies: Skipsatelliet-3) of Wostok-1K No. 3 was ’n Sowjet-ruimtetuig wat in 1960 gelanseer is. Dit was ’n toetsvlug vir die Wostok-ruimtetuig en het twee honde bevat, Ptsjolka en Moesjka (die Russiese verkleinwoorde van “by” en “vlieg” onderskeidelik), sowel as ’n televisiekamera en wetenskap instrumente.

Spoetnik 6 is op 1 Desember 1960 van Terrein No. 1 by die 5de Tjoeratam-lanseersentrum (nou Baikonoer) in die Kazachstanse Sosialistiese Sowjetrepubliek gelanseer vooraan ’n lanseer vuurpyl.  Dit is in ’n lae wentelbaan om die aarde geplaas. Die vlug het ’n dag geduur, waarna dit op 2 Desember weens ’n tegniese fout in die atmosfeer gedisintegreer het.


Spoetnik 7

venera1.jpgSpoetnik 7 of Tjazjoli Spoetnik (Russies: Swaar Satelliet), ook bekend as Wenera 1WA No. 1, was ’n Sowjet-ruimtetuig. Dit is op 4 Februarie 1961 van Terrein No. 1 by die 5de Tjoeratam-lanseersentrum (nou Baikonoer) in die Kazachstanse Sosialistiese Sowjetrepubliekgelanseer en was veronderstel om die eerste ruimtevlug te wees om die planeet Venus te verken.

Weens ’n tegniese fout het Spoetnik 7 egter nooit sy lae wentelbaan verlaat nie. Dit het die aarde se atmosfeer op 26 Februarie 1961 oor Siberië binnegedring. In ’n poging om die mislukking van die ruimtesending te ontken het die Sowjet-regering aangekondig dat die tuig ’n toetsvlug was vir ’n “swaar satelliet” wat sou dien as lanseer platform vir toekomstige sendings.

Nog ’n tuig, die Wenera 1, is ’n week later suksesvol in ’n heliosentriese wentelbaan na Venus geplaas, maar die instrumente het ’n week later foutief geraak.

Ander Sowjetunie lanserings genoem Spoetnik in die VSA (Die Sowjet Unie naam is ook aangedui):

  • Sputnik 8 – Venera 1
  • Sputnik 9 – Korabl-Sputnik 4
  • Sputnik 10 – Korabl-Sputnik 5
  • Sputnik 11 – Kosmos 1
  • Sputnik 12 – Kosmos 2
  • Sputnik 13 – Kosmos 3
  • Sputnik 14 – Kosmos 4
  • Sputnik 15 – Kosmos 5
  • Sputnik 16 – Kosmos 6
  • Sputnik 17 – Kosmos 7
  • Sputnik 18 – Kosmos 8
  • Sputnik 19 – Venera 2MV-1 No.1
  • Sputnik 20 – Venera 2MV-1 No.2
  • Sputnik 21 – Venera 2MV-2 No.1
  • Sputnik 22 – Mars 2MV-4 No.1
  • Sputnik 23 – Mars 1
  • Sputnik 24 – Mars 2MV-3 No.1
  • Sputnik 25 – Luna E-6 No.2

Saamgestel vanaf Wikipedia inskrywings
Advertisements

OVG – 15  OKT 2017  – SPUTNIK SE BEEP 60 JAAR GELEDE – SJINA IS NUWE RUIMTE MOONDHEID – TAXIS VLIEG AL TEEN 2019 – ELEKTRIESEMOTOR WEDLOOP BEGIN IN ALLE ERNS – MUSK MAAK EERSTE VLUG VAN MENSE IN 2024 NA MARS BEKEND.

Hartlik  goeiemore en dankie dat jy weer die moeite gedoen om jou radio aan te skakel en so `n bietjie knus in jou radiokamer te verkeer , ja , en dalk met `n lekker koppie Boeretroos. Soos ek die afgelope paar weke nou al kort – kort noem bly  die weer net aanhoudend  manewales uithaal. Sneeu in Oktober , en bergpasse wat gesluit word en onbegaanbaar is asgevolg van die sneeu. Ons het gedink dat die orkane Harvey en Maria  groot probleme veroorsaak het in die VSA maar hier te lande word daar oorstromings ondervind in die Kwazulu-Natal areas asook blykbaar kleiner orkane hier aan die Wesrand. Maar weet net verseker dat die klein orkane het uiters groot skade asook lewensverlies veroorsaak.   Ook maar net weer `n gevoel wat ek kry.  Ek verwag hierdie somer,  elektriesestorms en hael  wat ernstige skade aan motors , eiendom en gesaaides kan aanrig. Maar kom ons hoop en bid dat ons dit  gespaar sal word. Daar is egter ook darem `n bietjie goeie nuus. Volgens die Suid Afrikaanse weerburo lyk dit asof daar  vandag en more `n goeie kans is vir `n paar baie welkome reënbuie in die Weskaap en omgewing. Dit wil ook voorkom of ons darem nou warmer toestande kan kry.

So `n week of twee gelede was dit kan jy glo, 60 jaar gelede wat die eerste seine vanuit die ruimte hier op aarde gehoor was. 520px-Sputnik_1.jpgAs jy nou al `n bietjie gevorder het in die jare sal jy onthou dat op 4 Oktober 1957 was Sputnik deur die Russe gelanseer vanuit Kazakstan. Die lanseerbasis staan deesdae bekend as die Baikonur Cosmodrome.  Hierdie lansering van Sputnik het natuurlik die Amerikaners  tot in hulle fondamente geskok want Amerika het nie verwag dat Rusland se  ruimteprogram so ver gevorderd was nie. Die Sputnik het bestaan net uit `n  sfeer , `n stel batterye , `n sender , `n aktiewe drukskakelaar  om grondbeheer in kennis te kon stel as sou `n mikrometeoriet dalk net die 58 sentimeter  sfeer binnedring en beskadig.  Dit was dan ook die begin van die ruimtewedloop tussen Amerika en Rusland. Maar op die stadium wil dit voorkom asof Amerika baie ver voorloop met juis nou ook die reis wat mense binnekort gaan onderneem na die planeet Mars. Net so terloops . Ek kan onthou dat ek en my neef daardie spesifieke aand nog op hulle garage se dak daar in Nu Muckleneuk  hier in Pretoria geklim het om die wonderlike Sputnik beter te kon sien.  Bid jou dit aan , `n volle 3 meter nader.  Maar , nou-ja , iets wat soos gister my nog by bly en wat jy nie maklik vergeet nie.

Daar het egter nou al vir `n paar jaar nog `n rolspeler op die voorgrond getreë.  en dit is Sjina.  Hierdie moondheid het nou `n nuwe radikale plan in werking gestel om vuurpyle en mense baie binnekort die ruimte in te stuur.  Sjina gaan glo beweeg van grondgebaseerde lanseer platvorms na vragskepe en vliegtuie. 1443159049695_251.jpgDie Sjinese AEROSPACE SCIENCE and TECHNOLOGY CORPORATION  beplan om sommer vroeg in 2018 vragskepe   naby  die ewenaar te stasioneer waarvan die LONG MARCH 11 vuurpyle  gelanseer gaan word. Die Y-20 vliegtuie sal gebruik word om vastebrandstof vuurpyle te lanseer.  Y-20-600x315.jpg Sjina meen dat deur vuurpyle van seeplatvorms en van vliegtuie te lanseer sal hulle instaat stel om vuurpyle vinniger in die ruimte te kry. Al word daar meer brandstof gebruik om `n vuurpyl van `n vliegtuig te lanseer sal dit glo ook goedkoper wees.

Terwyl ons nou nog besig is met vuurpyle en diesmeer kan jy net die volgende vraag vra. Hoekom word robotte op ruimtesendings gestuur. Eintlik is die antwoord  voor die handliggend.  Met `n robot op `n ruimtesending is daar baie minder bekommernisse oor hulle veiligheid. Sou hy iets oorkom is daar gelukkig nie `n mens se lewe  op die spel nie.  Uit die aaard van die saak wil beleggers  hê dat die robotte wat vir hulle spesifieke doel gemaak is ten minste vir `n lang tyd moet kan werk sonder probleme.  Hulle moet ondersoeke kan doen en informasie kan terugstuur van die area of planeet waar hulle ontplooi is sonder om elektroniese probleme te gee.  Sou `n robot missie vaal sal die mense wie daar by bettrokke is nog steeds nie in gevaar wees nie.

Ek glo dat ruimte agentskappe en navorsers  sal in die toekoms meer en meer gebruik maak van robotte om hulle doel te bereik. As jy so `n bietjie terug dink sal jy kan onthou dat ek genoem het dat weermagte oor die wêreld heen al meer van robotsoldate gebruik gaan maak om die verlies aan menselewens gedurende oorlogsituasies baie meer te beperk.

Die volgende berrig is vir my erg kommerwekkend. Daar word berrig dat die eerste vlieënde TAXI`s  glo teen  2019 `n werklikheid wees.  Ek maar net sê behoede my en jou as dit hier in Suid-Afrika dalk gaan gebeur.  Jy kan maar net dink dat in die huidige situasie so `n iets nooit in ons land sal werk nie. Ek glo nie dat een taxi operateur `n vlieglisensie sal kan verwerf nie.104290305-6ED3-REQ-EHang-021717.1910x1000.jpg

Die motorreus  GENERAL MOTORS  het ook bekend gemaak dat hy teen 2023 `n totaal van 20 tenvolle elektries aangedrewe motors  gaan vrystel. Elektriese motors  is lankal nie meer net vir `n uitgesoekte groep mense beskikbaar nie.

`n Aantal veteraan motorvervaardigers  het juis nou begin om aan die ELEKTRIESEMOTOR wedloop te begin deelneem. Sommige het alreeds bekend gemaak dat hulle net elektriese motors gaan vervaardig . GM het ook bekend gemaak dat hy intensief navorsing gaan doen ten opsigte van elektriese batterye  en waterstof  aandrywing vir motors.

……….en net so voor ek afsluit. Dit is nou amptelik . elonmusk_big_2.jpgElon Musk die stigter van SPACEX het bekend gemaak dat die eerste mens of mense offisieël in 2024 die lang pad of is dit nou die lang vlug van so ongeveer 6 maande sal aanpak na die planeet Mars.

BFR-missions-1200x750.pngNou wonder ek net of dit `n Van Der Merwe grap is , maar ek het gehoor dat die eerste persoon hier vanuit Suid-Afrika wie na Mars sal vertrek is glo `n Van Der Merwe.  Wat `n mal spul eintlik, want besef jy, wat nou ook die malperd opgesaal het om wel tot die stap oor te gaan dat jy nooit weer gaan terugkom aarde toe.  Die Mars reisigers  moet baie opleiding  ondergaan asook sielkundige toetse om te bepaal of hulle psigies gereed is vir so `n lang vlug en verblyf op Mars. Maar wraggies hoor vir my, jy moet definitief ʼn psigiese skroef los hê om tot so `n drastiese besluit in jou lewe oor te gaan. Volgende week gaan ek so `n bietjie dieper delf in die Mars projek van Musk waar hy sy “BFR” visie bekend gemaak het. Jy kan maar solank dink waarvoor staan  “BFR” .

…………..en laastens.  Binne die volgende paar weke kan jy weer luister na nog `n onderhoud wat ek met `n baie bekende radioamateur wie ook diep spore in die amateur wese getrap het.

Ek groet. Van my Johann du Plessis ZS6PSS , mooiloop, hou jou oë oop en wees veilig.

 

 

OVG 8 OKT 2017 HOE VEILIG IS DIE TOEPASSSINGS WAT JY GEBRUIK.

Deur Johann ZS6PSS

Hartlik  goeiemore en welkom aan `n elk en `n inkelte weer hier by ONDER DIE VERGROOTGLAS.  Soosimages.png Dawie verlede Sondag genoem het, het die griep en verkoue , vir my en  baie ander mense werklik by die korthare beet gehad.Ek sukkel nog om die hees stem weer te probeer terug kry na sy normale vlak. Maar nou-ja dit wil voorkom asof dit `n week en selfs twee weke en dalk nog meer kan neem om redelik te herstel.

In elk geval wil ek ook so ongeveer twee weke terug gaan en vir jou herinner daaraan dat ek gesê het dat  ek dink en hoor mooi ek dink maar net dat die winter nog nie heeltemal verby is nie. ……………. en ja die afgelope paar dae  hier van Woensdag af het `n lekker koue front oor die Kaapprovinsie in beweeg.

So by so dat daar selfs sneeu in dele in die Suid-Oos kaap en in die binneland voorspel  is en toe ook geval het.  Hier by ons in Pretoria het ons `n paar baie welkome reenbuie ontvang met gepaardgaande heelwat koeler weer.

Die groot bekommernis bly egter die Weskaap en omstreke.  Damme daar het nou werklik  ernstige water tekorte en dit lyk nie asof die reën gaan uitkoms bied  nie.

Kom ons glo maar net dat daar wel uitkoms vir die gebied , al is dit laat met genoeg reën sal kom.

BigApps.pngReën of nie, ongelukkig moet die program voortgaan.  Vandag wil ek kyk na SLIMfoon toepassings , hoe jy die toepassings  verkry , asook die toestemming daarvoor en die opdateering van sulke toepassings.

Net so voor ek begin . Ek het `n baie goeie vriend en werklik skrander maar sekere goed kan hy maar net nie reg sê nie veral as dit nou by die selfoontaal kom nie. Hy sê altyd vir my, dat hy vir my, `n “WATCH UP” gestuur het in plaas van `n WHATS APP.  Ek dink ook dat die vertalings van APPS as  TOEPS nie heeltemal  beskryf wat jy gebruik nie.  Die woord TOEP het nou in elk geval  al sy eie hokkie in  die volksmonds gekry.

Kom ons kyk egter na so `n oorsig van  APPS of  TOEPS. …………….en as jy dit darem nou nie teen die tyd weet nie dan is `n APP `n  “APPLICATION ” en `n “TOEP”  `n TOEPASSING.

Draagbare of mobiele apparaat soos  “TABLETS” , SLIMTFONE, en HORLOSIES het van die mees primêre tegnologiese apparate geword wat die mens kan gebruik  in sy persoonlike  en proffesionele lewes.

Wat maak mobiele apparaat so veelsydig.  Wel dit is  basies  dat miljoene APPS of TOEPS is wat van die internet afgelaai kan word.  Hierdie TOEPS maak dit vir ons moontlik om  baie meer produktief te wees, asook om vinnig met ander gebruikers, werkskollegas  en vriende te kommunikeer en om bv. onderwys en opleiding te kan gee.  Ongelukkkig,  met die mag wat jy deur die toepassings  kan verkry is daar ook baie risikos wat hand aan hand loop met die gebruik van die toepasssings.

Ek gaan vir jou `n paar stappe noem wat jy kan gebruik om toepassings te gebruik  wat baie min en ek sê weer min risiko kan veroorsaak. Onthou ongeag van hoeveel sekuriteit  daar toegepas word met die gebruik van die TOEPS is daar maar altyd `n moontlikheid van risiko.

Die eerste stap is , maak seker dat jy altyd `n TOEP aflaai van `n veilige en betroubare webwerf.  KUBERkriminele het al die kuns absoluut verfyn om `n  mobiele TOEP  te skep en te laat lyk asof dit die ware Jakob is maar onderliggend is dit gelaai met virusse. images.jpgDeur die virus TOEP te installeer kan die  KUBERkrimineel vinnig beheer neem van jou sel of skootrekenaar  en ja, hy of hulle kan byvoorbeeld jou bankrekening totaal leeg trek.  Ek glo , as jy byvoorbeeld een van die SMARTfone  het, kan die foon bepaal  watter opsies jy het om TOEPS af te laai.

As jy in besit is van `n APPLE apparaat , iPAD of iPHONE om toepassings af te laai van die “APPLESTORE”  is jy blybaar  veilig want “APPLE” doen outomaties eers veiligheidstoetse  voordat jy toegelaat word om wel die spesifieke  TOEP af te laai. Daar is nog steeds die moontlikheid dat  virus besmette TOEPS wel nog kan deurglip.

Daar is nog `n probleem. Sekere  TOEPS  vra jou om jou posisie te kan gebruik vir verskeie redes. Jy gaan sonder om te dink en klik JA op jou foon. download.jpgHierdie is glad nie veilig nie aangesien dit die opsiener of bestuurder van die TOEP jou inligting aan enige ander TOEP webwerf  kan verskaf teen betaling. So wees baie versigtig as jy gevra word om jou “GEOposisie”of “GLOBALEPOSISIE” te verskaf. Dit kan baie moontlik tot jou nadeel gebruik word. Daar kan baie moontlik gesien word waar jy jou elke oomblik van die dag bevind. Dit klink vir my alteveel na  “OUBOET  HOU JOU DOP”.

Bietjie goeie nuus maar ook `n waarskuwing.  ANDROID mobiele apparaat is blykbaar `n bietjie anders. Android is ook glo `n bietjie meer buigbaar. Jy kan `n TOEP van enige plek op die INTERNET aflaai maar jy moet nog steeds streng oordeel en verantwoordelikheid aan die dag lê asgevolg van die feit dat nie alle TOEPS hier ook veilig is nie. Vir jou eie veiligheid word aanbeveel dat jou toepassings vir ANDROID mobiele eenhede net van “GOOGLE PLAY”  aflaai.  Moet dus  nie jou ANDROID TOEP  aflaai van ander webwerwe nie aangesien hierdie webwerwe  baie moonlik die speelveld is van KUBERKRIMINELE is. Maak ook seker dat jy `n baie goeie antivirus program op jou selfoon , horlosie , iPHONE of iPAD installeer.

Ja en onthou  ook die volgende. Hoe langer `n TOEP op `n webwerf verskyn word dit deur meer gebruikers afgelaai en word daar meer opmerkings,  hetsy dit goed of sleg  op die webwerf aangebring.  Dit is opsigself dan ook vir jou `n aanduiding van hoe veilig of  onveilig is die TOEP. ……………..  en dan laastens as jy `n TOEP vir `n langtyd nie gebruik nie, verwyder dit van jou foon . Jy kan dit later weer aflaai met beter opgegradeerde voordele. Moet nie fabrieks- of vervaardigersstellings op jou apparaat probeer verander nie. Dit kan jou duur te staan kom.

Net weer `n laaste waarskuwing.  Verwyder TOEPS wat vir `n lang tyd op jou mobielefoon is en laai die jongste uitgawe af. Dit werk beter en mag net meer veilig wees.

Net so voor ek afsluit. Wees verseker,  dieselfde geld vir AANLYNaankope. cyber647_122416023804.jpg jy aanlynaankope doen maak seker dat jy gebruik maak van `n veilige webwerf . Onnatuurlike goedkoop pryse op `n webwerf moet alreeds vir jou `n aanduiding wees dat jy uiters versigtig moet wees.  Gewetenlose kriminele wag net dat jou debiet-  of kredietkaart besonderhede bekend maak voordat hulle sal toeslaan en jou beroof.

Maak seker dat dit `n veilige webwerf is met `n posadres en dalk nog `n telefoonnommer ook.  Wees op jou hoede vir swak gramatika en swak spelling. As `n webwerf lyk soos een wat jy al voorheen gesien het en dalk `n bietjie verskil moet jy rooiligte sien flikker.

Laastens , daar is nuwe tegnologie wat jou in staat stel om betalings te doen sonder om jou kredietkaart se nommer  bekend te maak.  Maak gebruik van kreditkaarte wat  `n unieke  nommer kan genereer vir elke aankoop wat jy aanlyn doen. Maak gebruik van bekende betalingsdienste  soos byvoorbeeld PAYPAL.  Daar is nog `n hele paar ander betalingsdienste.

Ek hoop jy gaan nie in een of ander slagyster trap as jy TOEPS aflaai of as jy aanlyn aankope doen nie.

Ek wens jou `n veilige TOEPASSING of TOEP aflaai en ook veilige aanlyn aankope.

Ek wens jou en jou familie `n aangename en gesonde dag en week toe, mag dit goed reën in die Kaap en elders.

Van my Johann du Plessis ZS6PSS Mooiloop, hou jou oë oop en wees veilig.