OVG    24   SEPT  MAGNETIESE  KOORDLOSELAAIER UIT SILICON VALLEY / OSIRIS-REX

Deur Johan ZS6PSS

Weereens goeiemore aan `n elk en `n inkelte.  Ja, en het die somer nie sy kloue ingeslaan nie. Die een dag was nog koel tot koud en die daaropvolgende dae het toe sommer  ontpop in  die somer.

Nou die aand het ek op TV gesit en luister na Dave Pepler `n man wat met gesag oor `n groot aantal onderwerpe ongelooflik onderhoudend kan gesels . Hy het egter iets  genoem wat `n mens tot groot kommer kan strek.   Hy noem dat  hy voorsien dat vir die volgende vier jaar die Weskaap en omstreke baie swaar gaan deurloop onder nog droogtes soos tans. Hy voorsien ook dat daar dan glo `n goeie  paar jaar gaan kom  met reën en dan weer vier en selfs tot agt jaar waar daar nie reën gaan val nie. Dit kan `n uitgerekte saak van reën en nie reën tot gevolg  hê. Ek mag ook dalk gekruisig word oor die volgende wat ek al so drie , vier weke  gelede wou noem maar ek wil tog vandag duiwels advokaat speel.  Ek dink maar net, en onthou ek dink maar net dat ons kan  soos dit vandag met ons weerpatrone  gaan , dalk net nog so nog `n keer `n klap van die winter hier in die binneland kry.

Maar vir eers is dit genoeg ten opsigte van die weer.

Ek het sowat 2 jaar en dalk `n bietjie meer ook in `n ONDER DIE VERGROOTRGLAS artikel genoem dat `n maatskappy of groep `n deurbraak gemaak het met die vervaardiging van `n koordloselaaier. Dit wil vir my voorkom  asof die sakie toe nie suksesvol verloop het nie want niks was weer ooit verder oor die projek  genoem of gehoor nie,  Tot skieilik  nou `n week of wat  gelede toe `n nuwe maatskappy  PI bekend gemaak het dat hulle die wêreld se heeleerste  ten volle koordlooslaaier  die lig laat sien het. Dit gebruik volgens  PI geen kabels of matjies nie. Dit gebruik alleenlik magnetiese golwe om die laaiwerk te doen.pi-charging-05-470x310@2x.jpg

Uit SILICON VALLEY  berrig PI dat hulle jongste uitvinding so `n bietjie kleiner is as `n bierglas  en die basis is basies  dieslefde laaitegnologie as wat deur  APPLE en die ANDROID SMART fone gebruik word wat ookal ontwerp word om koordloos gelaai te word.

Die gebruik van magnetiesevelde is blykbaar die ideale manier om  energie  na draagbare elektronies apparaat oor te stuur volgens  PI se hoof tegnologiese navorser Lixin Shi en mede ontwerper  John MacDonald.

Volgens Shi en MacDonald het dit vir hulle `n volle jaar geneem om te bepaal hoe kan magnetiese golwe gebuig word sodat hulle `n pad in aanhalingstekens na byvoorbeeld `n selfoon kan vind.  Die ander groot probleem was om te bepaal hoe moet daar te werk gegaan word om magnetiese laai van meer as een apparaat gelyktydig moontlik te maak.  Die twee ontwikkelaars sê dat hulle het nou ook die wiskundige bewyse wat voorgelê kan word om dit te bewys.

Op die oomblik kan magnetiesevelde tot 30 sentimeter ver gestuur word na `n laaiapparaat.  Shi en MacDonald het gedurende hulle graadstudies aan die  Massachusettes Universiteit van Tegnologie, 3 en `n half jaar gelede ontmoet.

Hulle het kragte saamgesnoer om die projek die lig te laat sien en beide ook sederdien gegradueer.

Toe ek die artikel gelees het was my bekommernis dat die magnetiesevelde dalk gevaarlik kan wees vir die mens maar  die twee here sê dat die magnetiesevelde is baie lae velde maar is tog genoeg om `n selfoon teen volspoed te kan laai. `n Hele paar apparate soos selfone en skootrekenaars kan gelyktydig gelaai word as hulle naby die laaistasie geplaas word.

Die goeie nuus van die hele projek is dat hierdie magnetieseherlaaistasies vroeg volgende jaar beskikbaar sal wees en teen so min as en teen die huidige Rand / Dollar wisselkoers van so ongeveer R3700-00. Die vraag is wanneer sal dit die Suid-Afrikaanse mark bereik en teen watter prys want daar moet nog invoerkostes en belangstings bygevoeg  word. Ten laaste voorsien ek dat soos wat ek in `n vorige artikel berrig het, die apparaat oor `n paar en dalk sommer baie meters gelaai sal kan word.  Net `n heel laaste vraag, is magnetiesegolwe in watter intensiteit gesond vir die mens.?

……………..en nou sommer weer diep die ruimte in. Nuwe name van ruimtetuie waarvan jy hoor  en besoeke aan asteroide of tot nou toe onbekende hemelliggame sal seker nie nou meer maklik ophou om voor te kom nie.  So twee dae gelede op Vrydag die 22ste  September het `n satelliet met die naam van  ORSIRIS -REX sommer baie naby aan die aarde verby geskuif om `n slingervel effek te bewerkstellig vir sy reis na die asteroid BENNU nadat ORSIRIS alreeds `n jaar gelede gelanseer was.osiris-rex-facebook.jpg Die satelliet het ongeveer 17,000 kilometer bo Antartika vebygevlieg en het sy slingervel effek daar gekry. Die rede hiervoor is om die pad wat hy sal volg baie te verfyn asook om `n baie vinniger spoed te kan bewerkstellig vir sy reis na BENNU wat so 500 meter in deursnee is en homself op die oomblik naby die son bevind.  Met die maneuver kan die spoed van ORSIRIS verhoog  met  14,200 kilometer per uur wat hom instaat stel om  soveel as 45,000 kilometer per uur te  bereik. Dis nogal vrek vinnig.

ORSIS -REX se doel is om voorbeelde van BENNU se rotsagtige oppervlakte   te gaan  afhaal en dit terug te bring aarde toe vir navorsingsdoeleindes.009.10_Profile_101955_Bennu_v5.png Volgens NASA behoort ORSIRIS-REX , BENNU teen 2018 te bereik.  Teen JULIE 2020 sal die satelliet afdaal na BENNU om `n skamele  2.1 onse of sowat 60 gramm grond van BENNU se oppervlakte af op te raap. Teen 2021 sal ORSIRIS -REX weer sy tog terug na die aarde toe aanpak.

Teen September  2023 sal ORSIRIS weer hier bokant moeder aarde `n kapsule wat met `n valskerm toegerus is met die waardevolle vrag terug stuur aarde toe. Wetenskalikes van regoor die wêreld sal die kans gegun word om die grond te kan bestudeeer  om ook sodoende vas te stel waaruit bestaan die boublokke waarvan moederaarde en die heelal gevorm is.  Mens sou wonder wat wetenskalikes alles hier gaan vind.bennu-size.png

……………..en net so ten laaste , OSIRIS REX se naam is  – ORIGINS, SPECTRAL INTERPRETATION , RESOURCE IDENTIFICATION SECURITY REGOLITH EXPLORER.

Nou-ja met die mondvol groet ek en wens jou `n aangename week toe. Van my Johann du Plessis ZS6PSS Mooiloop, hou jou oë oop en wees veilig.

Advertisements